Гранола со 'ржан леб
Гранола направена од ‘ржан леб, дали можеш да замислиш колку е само превкусна!
Каков леб користев?
Го користев ‘ржаниот леб, направен со 70% ‘ржано брашно и без адитиви и конзерванси. Ова лепче има многу густа структура и малку потешко се ракува со него за да се направи гранолата. За да ти биде полесен целиот процес, најпрво исечи го на помали коцки, а можеш да ја тргнеш и кората. Користи помоќен блендер, бидејќи послаб, не сум сигурна дека ќе ти заврши работа.
Медот и ‘ржаниот леб се дефинитивно незаменливо дуо. Секако, ако немаш мед моментално, направи ја со друг засладувач, но топло ти препорачувам да ја пробаш и со мед.
Јас најчесто имам навика да ја комбинирам со чиа пудинг како топинг и исто така во комбинација со грчки јогурт, банана и малку мед е превкусно. А, бананата може да се замени и со некое бобичасто овошје.
Најново од Блог
-
-
Како правилно да се чува лебот?
24 октомври, 2018
гранола со 'ржан леб
Гранола направена од ‘ржан леб, со јатки и мед дали можеш да замислиш колку е само превкусна. Во комбинација со бобичасто овшје, јогурт и мед претставува здрав оброк.
Време за подготовка: 45 минути
Вкупно време: 45 минути
Aвтор:
Ивана | ФРИ-ПЕК
СОСТОЈКИ
- 400 g ‘Ржан леб, со 70% ржано брашно
- 70 g лешници (сечкани)
- 70 g бадеми (сечкани)
- 10 g експандиран ориз
- 180 ml мед
- Прстофат морска сол
ПОСТАПКА
- Најпрво рерната се загрева на 170°С, и се поставува хартија за печење на голема тава за печење
- Лебот, најдобро е прво да се исече на мали коцки и па потоа да се изблендира во помоќен блендер. Иситнетиот леб се става во поголем сад.
- Јаткастите плодови, препорачувам да се исечкаат со нож или пак во сецко, за да останат и поголеми парчиња од јатките.
- Вака подготвените состојки се додаваат во садот со лебот, како и експандираниот ориз, медот и солта. Се мешаат сите состојки за да се соединат.
- Смесата се става во тавата за печење и се распределува рамномерно, за да се испече подеднакво.
- Се пече околу 30 - 40 минути. Пожелно би било во текот на печењето да се промеша, за да биде рамномерно испечена од сите страни.
- Убаво да се олади пред да се складира.
