Италијански тост
Верувам дека ќе уживаш во овој здрав тост, колку што и јас. Овие неколку состојки имаат толку прекрасен баланс, што ретко кој оставаат рамнодушен.
Лесно се прави и е готов за 10-15 минути, а овие состојки ни се лесно достапни на сите, така што немаш изговор за да не го пробаш. Задолжително пред да го затвориш тостот со другото парче леб, зачини со оригано. Му дава тотално нова димензија.
Каков леб користев?
Нашето домашно лепче, направено со кисело тесто. Секогаш, кога лепчето го тостирам или потпечувам, користам леб што е постар, најмалку барем 2 дена. Вака успевам да го искористам целиот леб дома, а секако и помалку да фрламе храна.
Еден совет, направи повеќе тостови, за накрај да не останеш без јадење .
Најново од Блог
-
-
Како правилно да се чува лебот?
24 октомври, 2018
италијански тост
Верувам дека ќе уживаш во овој здрав тост, колку што и јас. Овие неколку состојки имаат толку прекрасен баланс, што ретко кој оставаат рамнодушен!
Време за подготовка: 15 минути
Вкупно време: 15 минути
Aвтор:
Ивана | ФРИ-ПЕК
СОСТОЈКИ
- 2 парчиња од Домашниот леб
- 40 g моцарела тенко сечена
- 40 g пршута тенко сечена
- 2 – 3 шери доматчиња сечени
- 10 – 20 g рукола
- Оригано
- Бибер
- Маслиново масло
ПОСТАПКА
- Вклучи го тостерот. Доколку немаш тостер може и во тавче да се испече на средна температура.
- На едното парче леб се редат руколата, шери доматите, моцарела и пршута. Задолжително зачини со оригано и бибер. Поклопи со другото парче леб. Одозгора малку се попрскува со маслиново масло и оди на тостер или во тавата.
- Може да се пече околу 4-5 минути или додека да се стопи моцарелата и лепчето да добие златна боја.
